من المواد الغذائية المهمة في كل بيت, في كل طبخة تقريبا الا يكون لها دور في توازن الطعم مو شرط للحلويات
السكر مع تعدد انواعه الا ان كل نوع له وظيفته الكيميائية في الطبخ
اول شي نعرف المصدر
اغلب انواع السكر جاية من مصادر نباتية اهمها سكر القصب (يسار في الصورة ) و سكر البنجر – يمين
سكر القصب يعيش في المناطق الحارة بينما سكر البنجر يعيش في المناطق الباردة مثل أوروبا
و ينتج عندنا مايمسى بالسكروز عن طريق عملية التركيب الضوئي في النبات..يستخرج السكروز من النبات على هيئىة عصارة مركزة وبعدها تبدأ عملية تصنيع السكر عن طريق خطوات معقدة
السكروز و التركيب الكيميائي
السكروز سكر ثنائي هو الاسم العلمي لسكر المائدة ويتكون من جزيئين من السكريات الأحادية متصلة مع بعضها (فركتوز و جلوكوز
الجلوكوز و الفروكتوز هي سكريات احادية وزيها زي السكروز موجودة في النباتات و العسل و تنتج عن طريق التركيب الضوئي في النبات
كلهم نفس الصيغة الكيميائية اي التركيب الكيميائي يحتوي على نفس الذرات من الكربون و الهيدروجين و الأوكسجين بس يختلفون في درجة الحلاوة
كيف يتم صنع السكر؟
عملية صنع السكر عملية معقدة جدا تمر بمرحلة أولى و ينتج عندنا السكر الخام ومرحلة ثانية و ينتج عندنا السكر المكرر اللي هو السكر الأبيض
مافيه فرق بينهم غير السكر الخام يكون محتفظ بالقيمة الغذائية واقل إذابة من السكر المكرر
في مرحلة من مراحل تصنيع السكر تمر بلورات السكر في عملية الطرد المركزي و اللي يتم فيه عزل البلورات من المستخلص المحيط فيها
المستخلص هذا هو دبس السكر Molasses
وراح ينتج بعد الاستخلاص السكر الخام
لونه على الذهبي حباته كبيرة موجود في السوبر ماركت باسم سكر طبيعي اتوقع 🙂
السكر الخام يحتوي على قيم غذائية اعلى عشان كذا يستخدم دايم في برامج الحمية ماله دخل في السعرات الحرارية في الفرق بينها و بين السكر الأبيض او المكرر..
السكر الأبيض او المكرر
هو في الأصل سكر خام يدخل في مراحل تصنيع و ازالة اللون الذهبي للأبيض و ينتج عندنا السكر المكرر
انواع السكر الأبيض كثيرة و الفرق في كل نوع حسب حجم الحبيبات
Granulated sugar – سكر ناعم الحبيبات
هذا دايم يتسخدم في تحلية العصير و الحلويات و كثير ناس تتلخبط بينها و بين السكر البودرة
فيه بعض الوصفات اكتب ناعم الحبيبات يحسبونه بودرة او العكس مع ان الوصف واضح و الشكل مثل ماهو موجود في الصورة فوق
Caster Sugar or Superfine Sugar سكر الكاستر
هذا النوع من السكر انعم من النوع الأول يستخدم كثير في الحلويات
Icing Sugar – سكر بودرة او الآيسنق
هذا النوع عبارة عن سكر ابيض مطحون مضاف له 3 بالمية نشا ..يستخدم في وصفات الحلويات غالبا
حفظ السكر الأبيض
يحفظ في علب في مكان جاف
———
السكر البني
هو عبارة عن سكروز مغلف بسيرب او دبس السكر يعطينا اللون البني
من اكثر انواع السكر اللي اضافته يأثر كثيييير في الطبخ
فيه نوعين من السكر البني
1- السكر البني غير مكرر المنتَج من مرحلة تصنيع السكر الخام
ويتفرع لأنواع
Demerara..ديميرارا
سكر بني طبيعي منتج من عملية التبلور الأول ( المرحلة الأولى) لسكر القصب حباته كبيرة
و غالبا هذا النوع هو اللي يجي على شكل مكعبات
turbinado توربينادو
هو سكر خام تم عزل الدبس جزئيا
لونه ذهبي حباته كبيرة مثل الديميرارا ولكن اقل لزوجة
Muscavado موسكافادو
يتم انتاج هذا السكر من غير مانستخلص الدبس يعني مايمر بعملية الطرد المركزي..
هذا النوع مرا لزج ورطب و اقل بلوَرة حباته صغيرة ..طعمه معدني قوي بسبب دبس السكر اللي يحتويه
هذي الأنواع ماتذوب بسرعة في السائل ولها وظيفتها في الوصفات ..بس قيمتها الغذائية عالية
2- السكر البني المكرر
فيه طريقتين عشان ينتج عندنا هذا النوع من السكر
إما يكون سكر ابيض مكرر و مضاف له دبس في الأخير ..
او سكر خام و يرجع يدخل في مرحلة ثانية من التصنيع و التكرير و لكن في مرحلة الطرد المركزي يحتفظ بشوي من السيرب
وفيه نوعين منه:
Dark brown sugar – سكر بني غامق (يمين
سكر ابيض مكرر يحتوي على نسبة 6.5 بالمية من الدبس
ودايم دايم تصير فيه لخبطة بينه و بين الموسكافادو (آخر نوع من السكر البني الخام ) لأن فيه بعض الشركات تكتب على الموسكافادو دارك براون و الناس تحسبه هو السكر المكرر البني الغامق بسبب لونه..
Light brown sugar – سكر بني خفيف او فاتح (يسار
سكر ابيض مكرر يحتوي على نسبة 3.5 بالمية من الدبس
هذي الأنواع من السكر تكون مسترطبة
و مسترطب يعني يسحب او ينجذب لأي رطوبة قريبة منه و يؤخر عملية تبخر الماء في الأكل وهذي وظيفة الدبس او السيرب اللي يحتوي عليه السكر البني
وهذا السبب اللي يخلينا نستخدمه في الكوكيز و بعض الحلويات حتى نحصل على كوكيز طري و رطب
كيف نحفظ السكر البني ؟
السكر البني يواجه مشكلة الجفاف في حالة لو تركناه في الجو لأن يحتوي على رطوبة و اكيد الرطوبة مع هواء راح تنشف ويصير مثل الحجر
نحفظ السكر البني في علب بلاستيك مع قطع من الخبز الطري مو لازم توست ممكن الصامولي الأبيض يصير
وغطوها كويس اهم شي لا يكون فيه منفذ للهواء
مثل هذي العلب تلقونها في إيكيا مرا ممتازه في حفظ الأطعمة
كل انواع السكر اللي تكلمت عنها تقريبا موجودة في الدانوب
هذا المختصر المفيد بالنسبة للسكر وانا حاضرة لأي استفسار عن الموضوع 🙂
تسلم يدينك شيف حصه موووضوووع رائع واستفدت منه كثيييير ،،
الله يعطيك العافيه بس عندي سؤال : طيب أي نوع من أنواع السكاكر هذي أقل سعرات حرارية وهل المحليات شي يختلف عن السكر ؟
مايفرق مرا كثير بالسعرات كله يتحول جلوكوز في الجسم بس انتي استخدمي السكر الطبيعي فائدة اكثر البروتين و المعادن كلها موجودة احسن من المكرر
المحليات هي سكاكر و اغلبها من سكر الفواكه مؤ سكر القصب او البنجر
كل مرة اشتري سكر بني للكوكي يطلع كل جاامد مع بعض مراا زي الحصى ايش الحل
يمكن تخلينه بالفرن اكثر من الوقت اللازم..خليه بس ٩ او ١٠ دقايق بالكثير و اتركيه يبرد ساعتين راح تكون النتيجة افضل
قصدي السكر نفسه جااامد مو الكوكي , يعني من اول ما افتح الكرتونه . طيب ينفع اطحنه ؟
من اول ماتشترينه يكون جامد ؟؟
انا مره تهت ابي اروح الدانوب اطلب نوع سكر للكوكيز ساعديني وانقذيني الكوكيز حقي مره جاف وعرفت السر منك انه مم السكر الله يسعدك دنيا واخره حدديلي نوع شركة سكر استخدمه للكوكيز
شوفي الشركة اللي انا استخدمتها في الصور لما شرحت طريقة حفظ السكر هذي كويسة..و عشان تعرفين السكر اللي يصلح للكوكيز يكون قوامه مثل طين البحر تحسين فيه رطوبة و متجمع على بعض بس مو قاسي ولا غامق مرررا..لأن فيه شركة محلية صارت تكتب على جمييييع أنواع السكر (سكر طبيعي) و الناس تلخبطت..بس حسي بالقوام عشان تعرفين
طيب لازم استخدم سكر بني و سكر ابيض في الكوكيز ؟؟
لمن احط النوعين احسو حالي يخنق !!
عشان كدا استخدم بس البني و ثلث كوب بس
انا بستخدم الكرتونه الي في رابع صف عاليمين
بس المشكله الكوكيز بيطلعلي فاتح زي لون الدقيق!
و كمان بخلي الزبده طريه ما بحميها عالنار بخليها زي الكريمه و اضيف السكر
هو حسب الوصفة وحسب القوام النهائي اللي تبغينه للكوكيز..يعني اذا كان سكر بني و أبيض مع بعض قوام الكوكيز راح يكون طري على كريسبي شوي..اما اذا كان كله بني حيكون على طراوة..استخدمي السكر البني الدارك راح يعطيك لون اغمق..في النهاية ترا وصفة الكوكيز فيها دقيق و زبدة و بيض كلها تخفف و تتجانس مع السكر لا تلغين مقادير لان راح يخرب الكوكيز
لا لا مالغيت زي ماهوا بس خففت السكر لانو احسو يخنق مره من حلاه
دايما اعمل ثلث كوب سكر و تمام الخلطه معايا و اكتفي بس بالبني بس كان الشكل انو بيطلع لونو ابيض زي الدقيق ماكان عاجبني
رح اجرب استبدل السكر بنوع اغمق
شكرا 💖
اوكي تمام اهم شي ضبطت معاكي..
الله يسعدك دنيا وآخره
واياك حبيبتي
هل الدقيق الابيض يضر المعده ويسبب حموضه بالمعده ..ارجو الرد
مااتوقع ! بس اذا تحسين بأعراض غريبة لما تاكلين اي شي فيه دقيق يمكن عندك حساسية الغلوتين
جزااااكِ الله خيرااا 😍
واخيراً لقيت كلام واضح وكافي ووافي
مقنع بدون دعايات او ادعاءات 🎉