Peach Melba – خوخ مسلوق مع آيس كريم فانيليا و صوص توت العليق

 

مرحبا

اكثر ماالفت نظري هذا الحلا انه ابتُكر عن طريق الشيف الفرنسي اوغست اسكوفيير لمغنية الأوبرا الاسترالية نيللي ميلبا..و الحلا على اسمها

 اسهل الحلويات اللي سويتها من المطبخ الفرنسي..تناغم النكهات خرافي بشكل يخليكم تاكلون اكثر من وحدة

هو من المقادير الأساسية رقائق اللوز ينثر آخر شي..انا مااحب اللوز و لغيته..وانتوا ضيفوا اللوز لو حابين عشان تكملون مقادير الأساسية

في اختيار الخوخ اهم شي اذا مسكتوه يكون طري  و ناضج مايكون قاسي ..حاولوا تنتبهون لهذي النقطة

المقادير:

4 حبات خوخ

300 جرام سكر ناعم – كوب و ثلث

1 عود فانيليا او م ص فانيليا سائلة

750  لتر موية بدرجة حرارة الغرفة

مقادير صوص توت العليق:

كوب توت العليق

2 م ص سكر ناعم الحبيبات

م ص عصير ليمون

—————————————————————

نسوي سيرب السكر – قطر- نذوب السكر في الموية على نار هادية مع الفانيليا

و لازم السكر يذوب تماما 

و نخليه يبرد تقريبا لمدة نص ساعة قبل ماانحط الخوخ

نقطع الخوخ لنصين..و شيلوا الفصمة  منها

بعد ماابرد السيرب نحط انصاص الخوخ فيها و نرجع نسلقها لمدة 10 15 دقيقة على نار هادية لحد مايلين الخوخ

و فيه خلال فترة السلق اقلبوها عشان تنسلق في جميع الجهات

و نشيل القشرة و يدخل الثلاجة حتى يبرد 

و بهذي الفترة نسوي صوص التوت

نطحن التوت و نصفيه عن طريق الصفاية الصغيرة عشان البذور

و نضيف على الصوص المصفى السكر و الليمون و نقلب في التوت لحد مايذوب السكر..

آيس كريم الفانيليا مافيه شركة محددة اللي  ويعجبكم حسب ذوقكم 

طريقة التقديم ام تصبون الصوص فوق الخوخ المسلوق بعدين تحطون الآيس كريم..او مثل ماسويت القاعدة صوص و بعدين باقي المقادير فوقه

الحلا هذا لازم يقدم بارد و فورا لأن الآيس كريم يذوب بسرعة مع الأجواء الجميلة ههههههه

و بالعافية