جارام ماسالا – بهارات هندية مشكلة

أول شي بتكلم عن استخدام البهارات  بشكل عام في المطبخ الهندي

لي سنتين وانا اتفرج الوصفات الهندية  لاحظت ان الكمون و الكزبرة  الناشفة شي اساسي في مطبخهم بالاضافة إلى الزنجبيل و الثوم

تكون الطبخة قريبة من أي طبق عندنا بس  اضافة بعض البهارات نكهتها واعطتها الطابع الهندي

و قصدي ان تسهل لكم عناء البحث اذا فهمتوا كل مطبخ ايش احتياجه او اساس وصفاته

و الكاري مو اساس يمكن استبداله بالجارام ماسالا لأن مو كل الناس تحب طعم الكاري

الجارام ماسالا

تعني خلطة البهارات الحارة و تختلف من منطقة لمنطقة في الهند

مالها انواع محددة من البهارات و لكن اساسها الكزبرة الناشفة و الكمون

و هل لازم نحمصها ؟؟

هنا نقطة مرا مهمة لازم تعرفونها  ان فيه وصفات لازم تحمص البهارات بالدهن أي كان نوعه سمن او زيت قبل اضافة المقادير الثانية

فهذا يعني لازم تكون البهارت ماتحمصت من قبل فلو كانت محمصة راح تنحرق البهارات و تخرب طعم الطبخة

فأنا في الجارام ماسالا قسمتها لقسمين قسم حمصته و الثاني طحنته من غير تحميص للوصفات اللي مثل ماذكرتها فوق

المقادير:

2 م ك كمون حب

2 م ك كزبرة

عودين قرفة مكسر

1 م ك فلفل اسود حب

1 م ك قرنفل

9 حبات هيل أخضر قشروه واستخدموا الحبوب بس

و يفضل الهيل الأسود تلقونه في العطارة

1 م ك شمر

2 ورق غار ناشف

1 حبة جوزة الطيب كسروها كم كسرة لا تحطونها كاملة

————————————————–

اخذت ثلث الكمية و طحنتها من غير تحميص

و الثلثين الباقية حمصتها لمدة 3 قايق  على نار وسط حتى تطلع ريحتها

و بعدين تطحنون البهارات و تنخلونها لازم حتى تتكون عندكم بهارات ناعمه تحفطونها في علبة في الدولاب في مكان دافي او الثلاجة اذا كانت المنطقة حارة.