تارت الكاسترد بالفواكه

التارت و الفطيرة من الحلويات اللي تحضر من آلاف السنين و إلى يومنا الحالي 

يكمن سر نجاحها في ان لازم نفرق بين عجينة التارت و عجينة الفطيرة

ايش الفرق بينهم؟

عجينة التارت غنية بالسكر أما عجينة الفطيرة غنية بالزبدة عشان كذا تكون طرية وأقرب ماتكون إلى عجينة البف باستري

واهم شي في التارت أو الفطيرة مانطول في العجن مجرد ماتختفي الزبدة مع المكونات كذا تكون العجينة جاهزة  ولازم تبرد هذا الشرط من أساسيات نجاحها

وسبق سويت من قبل فطيرة الأناناس هنا 

فطيرة الأناناس

ويمكن استخدام العجينة كأساس وتغيرون بالحشوات اللي تبغون بس حبيت أسوي نكهة جديدة وترا الأناناس طعمة مو واضح ولذيذة جدا أنصحكم تسوونها 

ونبدا بالتارت

المقادير:

كوب و ثلثي الكوب دقيق 

ثلث كوب من السكر الناعم الحبيبات

ربع م ص ملح

130 غرام زبدة باااردة  غير مملحة << تكون في الثلاجة 

بيضة كبيرة

2 م ك كريمة الكثيفة أو كريمة الخفق تؤدي الغرض

————————————————-

نخلط الدقيق و السكر و الملح و نقطع الزبدة لمربعات صغيرة 

ونبدا نفرك الدقيق مع الزبدة لين تتكون عندنا زي فتات الخبز و نلاحظ اندماج الزبدة مع الدقيق 

نخفق البيض مع الكريمة ونصبها على المقادير ونحرك بملعقة خشبية لحد ماتنتج عندنا عجينة مفتتة 

ونبدا باليد بشويش نجمع على بعض وتتكون عندنا عجينة متماسكة

ونضغط عليها باليد مانخليها زي الكورة لا , بل تكون على شكل قرص ونغلفها بالنايلون وندخلها الثلاجة لمدة لا تزيد عن 48 دقيقة

وبعد الساعة  نشغل الفرن على درجة حرارة 200

نكون محضرين صينية التارت وندهنها بالزبدة ونطلع العجينة  من الثلاجة ونرش عليها دقيق ونفردها بس بشرط يكون فوق العجينة نايلون عشان لا تلزق مع الفرادة 

وبعد ماحطينا العجينة على التارت نكون محضرين قصدير فوق العجينة اللي بالصينية وعلى القصدير نحط كمية من اللوز او اي مكسرات تتحمل حرارة الفرن

عشان التارت لا ينتفخ ويتشوه شكله

أول خمس دقايق نترك درجة الحرارة زي ماهي بعدين نخفضها ل 190 ونخبزها 10 دقايق 

ونطلعها من الفرن  ونحط لها الحشوة  اللي هي  الكاسترد وهذي واحدة من ألف حشوة من حشوات التارت

و الكاسترد عبارة عن

400 مل حليـب سائل

م ص قرفة 

م ص زعفران بودرة

ثلث كوب سكر

3 صفار بيض

3 م ص نشا

م ك زبدة

——————————————-

نسخن الحليب مع القرفة و الزعفران لحد مايغلي وبعدين نصفيه ونكون خافقين البيض مع السكر و النشا ونصب عليهم الحليب ونحرك بسرعة لحد مايتجانس

وبعدين نرجعهم على القدر على نار هادية ونحرك لحد مايثقل قوامه يعني لمدة 6 دقايق او 10 

ونتركها تبرد لمدة 10 دقايق ونحطه على التارت وندخل التارت الفرن مرا ثانية لمدة 10 دقايق