الطريقة الصحيحة لعمل تشيز كيك ناجح

يمكن راح تستغربون ان حتى التشيز كيك لازم نستخدم فيه خطوات  حتى يطلع معانا بالشكل الصحيح بدون مانحدث اي اخطاء

صحيح ان الأخطاء لو صارت ماتبان في الطعم كثير بس الاخراج النهائي راح يبين ان ماكان فيه تعامل صحيح مع المقادير

طيب ايش هو الشكل الصحيح للتشيز كيك ؟

أولا: تكون مسطحة لا فيها انحرافات ولا تكتلات من فوق

ثانيا: ماتهبط من الوسط و الأطراف تكون مرتفعة

ثالثا: اذا قطعناها واكلناها مانحس بقطع الجبن

رابعا: ماتكون كمية البسكوت كبيرة بحيث تبان طبقة مرتفعة

طيب و ايش الخطوات اللي نمشي عليها حتى نحصل على تشيز كيك ناجح؟

 الخطوات هذي لأي  وصفة تشيز كيك عندكم مو شرط تكون الوصفة اللي موجودة في المدونة

أولا : يكون الجبن و السور كريم (قشطة رائبة)  و البيض بدرجة حرارة الغرفة دافية جدا ماتحسون بأي برودة لما تمسكونهم

ثانيا: نخلط السور كريم في البداية لحال (اذا كانت وصفتكم تحتوي على سور كريم )  لمدة دقيقتين وبعدها نضيف الجبن و نخلط لحد مانحصل على قوام كريمي بهذا الشكل

 

IMG_5763

ثالثا: تضيفون اي نكهة ترغبونها بمقدار قليل مو اكثر من ملعقة صغير مجرد اضافة لون و نكهة خفيفة

 رابعا: بالنسبة لإضافة البيض اذا كانت الوصفة تحتوي على صفار بيض  و بيض كامل تخلطون الفانيليا السائلة مع صفار البيض و البيضه الكاملة  راح يصير مثل السائل و تضيفونهم بالتدريج مع ازدياد السرعة من الوسط للسريع لحد مايتجانس مع المقادير و مانطول في الخلط عشان لا تهبط في الفرن

أما اذا ما كانت تحتوي على صفار  بس بيض كامل راح يكون نفس طريقة التعامل في سرعة الخلط بس نضيف بيضة ورا الثانية من غير مانخلط البيض مع بعض

خامسا : مانبالغ في خلط التشيز كيك عشان لا تهبط في الفرن

سادسا: استخدام قالب مناسب الحجم حسب كمية المقادير  

يعني لو عندكم قالب قطره 8 انش ماتستخدمونه لمقادير تشيز كيك قليلة لازم تنتبهون عند اي وصفة كم قطر القالب المستخدم قبل ماتبدون بالوصفة

ولازم يتغلف من جميع النواحي بورق الزبدة

IMG_6216

 

سابعا :  البسكوت المطحون يفضل تقليبه مع الزبدة مو الزيت و يدخل الفرن لمدة 10 دقايق قبل مانضيف الخليط حتى يتحمص و يتماسك

ثامنا : بعد مانحط خلطة التشيز كيك في القالب يفضل ان يدخل الفرن على طول على درجة حرارة 150 او 160

و نغلف القالب بقصدير  من الخارج و نجيب صينية ونحط فيها منشفة و نحط فوقه القالب و نصب موية حارة لحد مايوصل  لثلث القالب

IMG_5764

و أخير : ندخله الفرن لمدة 50 دقيقة  او 55 دقيقة و بعد هذي المدة ويخلص التشيز كيك نقفل الحرارة و نفتح الفرن لمدة دقيقة بالضبط من غير مانطلع التشيز كيك و بعدين نطرف  باب الفرن نخلي فتحة صغيرة و نتركه يبرد داخله لمدة ساعة وبعدين ندخله الثلاجة لمدة 6 ساعات

——————————————————–

هذي الخطوات و النصايح لأي وصفة تشيز كيك تعتمدونها سر التشيز كيك مو بالوصفة كثر ماتكون بطريقة تعاملكم الصحيحة مع المقادير

Advertisements

35 thoughts on “الطريقة الصحيحة لعمل تشيز كيك ناجح

  1. التنبيهات: تشيز كيك المنجا | Chef Hissa's Kitchen

    • ماقد جربت انه يكون بديل للسور كريم بس مااتوقع راح يضبط كبديل لأن الزبادي يحتوي على سائل اكثر من السور كريم راح تزيد نسبة الرطوبة في التشيز كيك و بالتالي يهبط معك بالفرن،، الا اذا كانت الوصفة تحتوي على زبادي من الأساس فهذا شي ثاني

  2. التنبيهات: تشيز كيك الكراميل | Chef Hissa's Kitchen

  3. الله يسعدك يااارب 🙂
    جربتها اليوم وحبيييتها كانت لذيذة بس اللي زعلني إنه طبقة البسكوت طلعت مرة لينة مدري ليه مع إني بعد ماقلبتها مع الزبدة وحمصتها كانت تجنن ..

  4. اول شيء الله يسعدك على هذي المدونة الجميلة استفدت منها كثير 😍 ، وحابّة اطلبك اذا ماعندك مانع وصفة للتشيز كيك تحتوي على السور كريم ، وشكراً لك 💕🌹

  5. السلام عليكم يعطيج العافيه اختي انا جربت سويت نفس الطريقه اللي قلتي عنها بس اكتشفت انه الماي تسرب لداخل البسكوت والتشيز كيك ليش شنو السبب؟ مع العلم اني حاطه طبقتين قصدير.

    • هالمشكلة يعاني منها كثير وانا بعد لأن احيانا من البخار مع الحرارة يتكون داخل القصدير و يتحول موية..جربي مرا ثانية بصينتين اللي سمعته انه اضمن

  6. مافهمت ياقلبي كيفيه التخميد يعني نحمي الفرن بعدين ندخل التشيز كيك والفرن طافي ؟؟؟؟؟؟؟
    معقده شوي وانا ماقد جربت تشيز كيك بالفرن جربت بالثلاجه وطلعت حلوه ايش الفرق لما تحطيها في الفرن او الثلاجه؟؟؟

    • الحين دخلتي التشيز كيك الفرن ٥٠ دقيقة و خلص و استوى..لا تخلينه يبرد برا الفرن قفلي حرارة الفرن و خلي التشيز كيك جوا لين يبرد تماما وممكن تخلينه ليلة كاملة و في الصباح تدخلينه الثلاجة

  7. أخي حصة..
    انا اسوي التشيز كيك و الحمدلله يضبط
    بس لما اجي افكه من القالب الجزء السفلي الملاصق لطبقة البسكويت تربكني و اخر شي اخليها فيها و على صحتن التقديم بدون لا اشيله
    كيف طريقتك و بدون لا يخرب الشكل النهائي؟؟؟

    • اقلبي القاعدة وخلي الوجه الأصلي للقاعدة خارج القاعدة ..و حطي ورق زبدة و اتركي زوايد شوي عشان تقدرين تنقلينها بسهولة عن طريق السحب من ورق الزبدة ..وضحت الفكرة؟

  8. عندي مشكلة كبيرة مع تشيز كيك التمر وهو مكون من 3 طبقات : ” طبقة بسكوت +طبقة تمر + طبقة 12كيري و علبه نستله ونص كوب ماء : المشكلة عندي في طبقة التشيز انا اريدها كثيفه و لها طعم تشيزي و شكلا ابحث عن شكل مصقول ولامع بدون انتفاخات ولا تحمير وهذا لا يمكن لانها حتى تتماسك لازم تبقى في الفرن 30 دقيقه على الاقل و تنتفخ , حاولت اخرج منها الهوا بضرب الصينية و لم تنجح التجربه . اعرف جارة لي تضبطها بشكل جميل ومصقول لكنها لا تعطي مقادير وطريقة صحيحة , هل اجد عندك حل او اضافات تساعدني ؟ شكرا مقدما

    • بامكانك تمشين على نفس خطواتك في البسكوت و التمر و طبقة التشيز سوي الوصفة الموجودة في الموقع ولا تحمريها من فوق و ان شاء الله راح تضبط معاك

Comment

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s